14აპრილს სკოლაში ქართული ენის დღისადმი მიძღვნილ ღონისძიებაში მივიღეთ მონაწილეობა. ღონისძიება ძალიან საინტერესო იყო. ერთმანეთს ენაცვლებოდნენ მე-5 , მე-6, მე-7 და მე-10 კლასის მოსწავლეები. წაიკითხეს ქართველი პოეტების ლექსები, ისაუბრეს ქართული ენის ისტორიაზე. ყველაზე მეტად ქეთი ანანიძის მიერ დიდი ემოციით წაკითხული ირაკლი აბაშიძის ლექსი ,,ხმა კატამონთან " მომეწონა.
                                                                                                                   ანა ქათამაძე

14 აპრილი ქართული ენის დღეა.

14 აპრილი ქართული ენის დღეა.

ჩვენი მშობლიური ენა უძველესი ენაა. შემოსეული მტერი პირველ რიგში ამ უმშვენიერეს და უძველეს ენაზე მეტყველებას უკრძალავდა ქართველებს. ხშირად იდგა დღის წესრიგში მისი ყოფნა-არყოფნის საკითხი. ამიტომაც მას გაფრთხილება და დაცვა სჭირდება.

ვინ უნდა დაიცვას? რა თქმა უნდა , თქვენ. იმეტყველეთ გამართული ქართულით და ნუ დააბინძურებთ ენას ბარბარიზმებით.
                                                                                   მარინა მასწავლებელი

   დღეს საბა გეგუჩაძის დაბადების დღეა.
საბა, გილოცავთ დაბადების დღეს.
ჯანმრთელობას, ბედნიერებას და ულევ სიხარულს გისურვებთ საყვარელ ადამიანებთან ერთად.
გვიყვარხარ და ძალიან გაფასებთ.
                                                 დათო ანანიძე

ყველა სურვილის ასრულებას გისურვებთ, ანრი

                       

   ჩევნს თანაკლასელ ანრი ბექიროღლს დაბადების დღე აქვს. გვინდა მივულოცოთ და წარმატებები ვუსურვოთ. ანრი ძალიან გვიყვარს და გვჯერა, რომ ასეთი ურთიერთობა გაგრძელდება მაშინაც, როცა დიდები ვიქნებით.

                                                                                       გიგი ზაქარაძე

უნიკალური წიგნები

   11 აპრილს კლასის საათი უნიკალურ წიგნებს დავუთმეთ. დავით ანანიძემ მშვენიერი პრეზენტაცია მოამზადა. გვესაუბრა უძველეს ხელნაწერებზე, წიგნებზე. საინტერესო იყო პირველი ქართული ხელნაწერი და ნაბეჭდი წიგნების სლაიდები,უდიდესი და ყველაზე პატარა წიგნები, საბეჭდი მანქანა და ბრაილის შრიფტი. ყველაზე საინტერესოდ მაინც ჩვენს სკოლაში არსებული ძველი წიგნების ფონდი მოგვეჩვენა და გაგვიხარდა, რომ ჩვენც შეგვიძლია ვიამაყოთ უნიკალური გამოცემებით.
                                                                                                          ლუკა დიდიძე

მეგობრული შეჯიბრება

 

2 აპრილი საკმაოდ ხალისიანი დღე იყო. სპორტის დარბაზში  V^ა და     V^ბ კლასებს შორის  შორენა კალაძემ მეგობრული შეჯიბრება ჩაატარა.  ერთმანეთს ენაცვლებოდა შეჯიბრებები ბურთებით, რგოლებით, ჯოხებით. ჩვენი გულშემატკივრები კლასის ხელმძღვანელები: მ.ჭყონია და ნ. ქავჟარაძე იყვნენ. გამარჯვება V^ბკლასს ხვდა წილად. სინამდვილეში კი მეგობრობამ გაიმარჯვა. სპორტის დარბაზი ხელიხელგადახვეულებმა დავტოვეთ. ვიმედოვნებთ, რომ ასეთი შეჯიბრებები კიდევ ჩაგვიტარდება.

                                                                                                                       ლუკა ბარამიძე

მსოფლიოს უნიკალური ბიბლიოთეკები

გუშინ თორნიკე შოთაძემ საკმაოდ საინტერესო პრეზენტაცია წარმოგვიდგინა. პრეზენტაციის თემა იყო ,,მსოფლიოს უნიკალური ბიბლიოთეკები".
ჩვენმა ბიბლიოთეკარმა მარინა ღადუამ აგვიხსნა, რას ნიშნავს ბიბლიოთეკა და ჩამოგვითვალა რამდენიმე საუკეთესო ბიბლიოთეკა წიგნების სიმრავლის მიხედვით.
თორნიკე შოთაძის მიერ მომზადებულმა პრეზენტაციამ ძალიან დაგვაინტერესა და გაგვიჩნდა სურვილი, რომ მოვიძიოთ ინფორმაციები უძველეს და იშვიათ წიგნებზე.
                                                                                              
                                                                                                        თეკლა ბაციკაძე